Athugasemd
Íslendingur í Uluwatu hofi er plata númer tvö í þríleiknum Íslendingur en áður kom út Íslendingur í Alhambrahöll sem hlaut íslensku tónlistarverðlaunin árið 2015. Titill plötunnar á rætur sínar að rekja til ferðalaga Stefáns til Indónesíu en þar er að finna hið undurfagra Uluwatu hof á klettabarmi, við ægifagra strönd Indlandshafsins. Verkin eru flest öll ný en einnig er þarna að finna nokkur eldri verk sem Stefán endurskrifaði fyrir þessa útgáfu. Frábær flutningur félaganna í Stórsveit Reykjavíkur og hágæða upptökur Hafþórs Karlssonar glæddu þetta svo því lífi sem með þurfti og hér er afraksturinn.
Upplýsingar 15.1. 2024 frá Stefáni S. Stefánssyni ásamt hljóðskrá gegnum Dropbox.